مي كساب: عمرى ما تنازلت عن شرفى!!

 عمرى ما تنازلت عن شرفى

نشرت الفنانة “مي كساب” عبر صفحتها الشخصية، بموقع التواصل الاجتماعي “فيسبوك”، قائلة:

“كل اللي يعرفني من قريب يعرف كويس أني عمري ما كرهت حد ولا عمري اذيت حد ولا عمري عملت تصرف مخل بالشرف ولا اتنازلت عن شرفي ولا كرامتي في يوم من الأيام واستحملت ظلم كتير واضطهاد ومحسوبيات”

وأضافت كساب، كنت باصبر نفسي بكلام أبويا الجميل اللي رباني عليه، و كان دايما يقولي انتي عامله زي عسكري في الجيش كل شويه بيترقي بجهده وتعبه ويتنقل من سلاح لسلاح.

كما أوضحت انها مرت بظروف صعبه كتير في حياتها، وقالت: “بقالي ٤ سنين مش باشوف يومين حلوين علي بعض انا باعيش أقسي أيام حياتي من يوم ١/١٢/٢٠١٢ يوم ما اكتشفت ان أمي عندها السرطان وانا مش مي انا واحده تايهه مش لاقيه نفسها موت امي كسرني ومن بعدها احداث كتير قوي وجعتني”.

زوجى ضحية طيبته

وأعربت أن القريبين منها يعرفون قوة تحملها كما صرحت: “أنا استحملت حاجات صعبه كتير اد ايه السنين اللي فاتت بس الصراحه ده اصعب موقف اتحطيت فيه من يوم ما اتولدت مش عشان ده جوزي وحب عمري وإحساسي بعدم وجوده جمبي كأن روحي متاخده من جسمي،

لا عشان متأكده انه مظلوم،  ومتأكده انه ضحيه طيبته وسذاجته وللأسف ضحيه تعليمه المتواضع الضحل، ضحيه ثقته الزياده عن اللزوم في اي شخص يقرب منه ويضحك عليه ويقوله انا هأعملك،  ويوعده وعود كدابه وفي الاخر يستغله ويورطه طبعا”.

وقالت: “لما بأتكلم عن محمد كأني باتكلم عن احمد كمان اوكا_واورتيجا روح واحده في جسدين ثقتي في رب العالمين كبيره جدا” انه هينصرهم ويفك كربهم، ثقتي في عداله القضاء العسكري كبيره انه مش هيظلمهم، ثقتي في قلوبكم الرحيمه كبيره إنكم هتقفو جمبهم.

وطالبت بالدعاء من أجلهم.