يسرا: الحمل تقيل على السيسي.. والشعب لازم يصبر (فيديو)


قالت الفنانة يسرا، إنه رغم الظروف الصعبة التي تمر بها مصر، إلا أن الرئيس عبد الفتاح السيسي، حاول قدر الإمكان إصلاح الأوضاع، متابعة: «لو السيسي معملش أي حاجة غير إنه أنقذنا من حكم الإخوان، ده في حد ذاته عمل كبير جدًا».

أضافت يسرا، في تصريحات لها عبر فضائية «الحياة»، «السيسي حاول يساعد قدر الإمكان، أه عندنا مشاكل، وهتفضل عندنا مشاكل، لكن الخطر الحقيقي إنك ماتكونش عارف إن اللي جمبك ممكن يكون عدوك، إحنا لازم نصبر، لأن معندناش عصا سحرية عشان نحل المشاكل في يوم وليلة، إحنا لسه قدمنا مشوار، بس مننساش اللي إحنا كنا فيه، وعلى المدى الطويل هنحس بالإنجازات لكن مش دلوقتي».

أكملت: «السيسي يعرف ما هو الفن وأهميته ورسالته، وأنا بحترم فيه جدًا إنه بينظر للمرأة بفخر، وكل امرأة مصرية تفتخر به، وأهم شيء إن وطنا يكون بخير، أن أولادنا اللي على الحدود يكونوا بخير، لازم نبص لمشوارنا ونكمله ومفيش حاجة توقفنا، وإحنا عندنا شباب رائع وهيعمل مستقبل مختلف، والشعب لازم يصبر ويصمد على الحالة التي نمر بها».

اختتمت: «أنا بشكرك يا ريس، وبتمنالك التوفيق، عارفة إن الحمل تقيل أوي عليك، وعلينا كلنا، بس أنت اللي شايل المسئولية، ومصر هتفضل جميلة وولادة».

يذكر أن حملة «علشان نبنيها» وصل نشاطها في القاهرة والمحافظات، وأقبل عدد كبير من المواطنين على المشاركة والتوقيع على الاستمارة التي تطالب السيسي بالترشح لفترة رئاسية ثانية، استكمالًا لما أحدثه من تحولات كبرى على الأصعدة السياسية والاجتماعية والاقتصادية.

ويشارك في الحملة عدد من نواب البرلمان الموقعين على استمارة الحملة الخاصة بتأييد ترشح الرئيس عبد الفتاح السيسي، لفترة رئاسية ثانية بلغ 120 نائبًا حتى الآن، وتواصل الحملة جهودها نحو استكمال جمع التوقيعات على المستوى الشعبي من خلال الجولات الميدانية وعرض إنجازات الرئيس السيسي منذ توليه المسئولية.



-اقراء الخبر من المصدر
يسرا: الحمل تقيل على السيسي.. والشعب لازم يصبر (فيديو)