«هوووبا»: نصيحة.. بقلم عمر عبد الله
عمر عبد الله
عمر عبد الله
عمر عبد الله

و الله الناس دول حاجة غريبة
الواحد يكون عايز حاجة وهيموت عليها  ولما تيجى لحد عنده يتمنع ويعمل فيها مش عارف ايه .!!

احنا بتوع مظاهر قوي – الجوهر عندنا ملوش أي لازمة، الناس ممكن تسيب الماس لوعليه شوية تراب وتجري على المرايا عشان بتلمع أكتر ..

عارف ايه أكتر حاجة تضايق ؟
أن حد يعيش فى دورغير دوره، يعني من الآخر لو أنت معفن متعمل نفسك حد مهم، و لو عبد بلاش تعيش فى دور الحر ولو جاهل أحسنلك ألف مرة إنك تتعلم بدل ما تدعي المعرفة..!
خليك واقعي ومتضحكش على نفسك – ﻷن أول الخسرانين هو أنت.

خليك واثق من نفسك لكن، اوعى تعيش مغرور، خليك عاقل فاهم واعي، أنضج يا عم الحج ،أسترجل ، أشرب بريل .

لو ليك هدف فى الدنيا خير و بركة، إنما لو عايش على قفا بابي، تبقى سوري فى الكلمه عيل بطيخة …

إياك و بنات الناس ﻷنه لو مطلعش عليك فى الدنيا و خلص فيك ، هيطلع عليك فى الآخرة،
حاول تقرب منه على قد ما تقدر -ربنا – هو سندك الوحيد دنيا و آخرة .

راعى ابوك و امك وإخواتك ونفسك كمان..
اقرأ كتير و وسع مداركك، ومش معنى إني بنصحك ابقى أنا ملاك ، لكن أنا كان نفسى أعمل كل الكلام ده..