«هوووبا»: كائن غريب.. بقلم عمر عبد الله

«هوووبا»: كائن غريب.. بقلم عمر عبد الله
عمر عبد الله

 

عمر عبد الله
عمر عبد الله

الناس الغلسه اللى عايشين معاها و بنشوفها ، كل يوم ، كل يوووم ، كل يووووووووم ….
تعبت ، زهقت ، نفسيتك كل يوم فى النازل … معلش ، ده قدرك ، ربنا خلق كل الناس كدة ، غبية ومتخلفة ومبتفهمش حاجة، أنت الوحيد اللى بتفهم و اللى دائماً صح و اللى فاهم الدنيا صح .

أنت القائد والباقي القطيع، أنت اللي بتطلع دائما كسبان فى كل نقاش ، أنت أبو العقل والحكمة والتفكير.. يا أخي أبو أم اللى جابك .

أنت صدقت نفسك ولا ايه، أنت حمار ولا بتفهم حاجة، أيوه أنت، يا حمار، أنت ياللي واخد قلم فى نفسك، بكره إن شاء الله تاخده على وشك، أبتديت تتعصب هاه ..
عارف نفسك مش كده ؟؟
عارف أنى بلقح بالكلام عليك، إبتديت تتوتر !!
ﻷ براحه ليطقلك عرق، إشرب لمون يهدي الأعصاب عشان كده أبتديت توترنى معاك..

بتسأل انا بهزق ليه ؟؟ مممممم
طيب أنا هفهمك الموضوع بالراحه..

أول حاجه :
أنت شايف نفسك قوى مش عارف على ايه !!
أنا مش شايف إيد تالته و لا شايف عين رابعه ولا شايف قدامى عبقرينو
أنت مبتسمعش غير نفسك و الناس كلها بالنسبالك صفر على الشمال …
أنت ليه كده ؟؟

أنت ليه مغرور كده ؟؟
أنت فعلاً مستفز، طب أفهم وأسمع، طب أعقل الكلام اللي بتقوله، ليه عايز الناس تاخد كلامك كما أنزل، ده مش قرآن على فكرة…
ليه أحلام غيرك و طموحاتهم كلها كلام فارغ و هبل ؟؟
ليه دائما بتستخف بعقلية غيرك، ليه كل الناس تافهين ما عدا أنت ؟
أنت شايف نفسك محبوب؟ ليك شعبية في المكان اللي بتشتغل فيه، أو بتدرس فيه، شايف نفسك روش يعني ؟؟
آه يمكن تكون بتهمل كده عشان تلفت الأنتباه ؟؟ بنات بقى و كده ؟
أنت بتقف قدام المرايا كتير ؟
أنت معجب بنفسك قوى مش كده ؟
تلاقيك بتقول انا خساره فى البلد دى ، و نص البلد عايزه الحرق ، و هما دول اللى جابونا ورا و بلا بلا بلا…..
واضح كده إن الكلام معاك مش جايب نتيجه ، اللى زيك هيعيش حياته مكروه م الدنيا كلها ، و من جواك أكيد هتبقى مقتنع ميه الميه إن هما إللى خاسرنين ، بس فى الحقيقه ، إنت إللى خاسران …..

متتصلش هنا تانى بقى ….

التعليقات