«هوووبا»: حد فاهم حاجة.. بقلم عمر عبد الله

«هوووبا»: حد فاهم حاجة.. بقلم عمر عبد الله
عمر عبد الله

 

عمر عبد الله
عمر عبد الله

بسم الله الرحمن الرحيم …

نبدأ صفحة جديدة..
بس أنا مش عارف أبدأها منين !!
خايف ؟؟  أنا مش بس خايف أنا مرعوب..
بكرة و بعده مخبيين إيه ؟ أنا مش عارف، و صدقني لما أقولك أني خايف وتايه وضايع في أوهام لسه مش عارف هي حقيقة ولا خيال..

متأكد من أن الحل موجود، موجود في مكانه مش هيتحرك منه ولاهيمشى..
الحل مستنينى، مش هيجيلى، أنا اللي هروحله..
بس أنا مش عارف مكانه، ومش عارف امتى هعرف.

بعد ألف سنة من دلوقتي حد هيفتكرني؟
اسمى هيكون لسه فى الذاكرة، ولا هيموت بموتي، ويمكن قبل كده كمان ؟

مفيش حد عنده الحقيقة المطلقة، بس فيه ناس وصلت لدرجة كبيرة في المعرفة، معرفة الدنيا على حقيقتها..
أنا لسه مش عارف الدنيا ومش عارف إمتى هعرفها، يمكن لو عرفت نفسي هفهم ؟
يمكن إحنا الدنيا ؟ السر فينا إحنا ؟ الخير والشر – الحب والكره، بيهم بنتغير ونتطور.

الموج والطبيعة وحركة الطيور والصخور..
مش عارف أنا هوصل لأيه !!
يمكن أنا مجنون ؟؟
يمكن الجنان ده مش شر..
يمكن هو ده بداية الطريق، يمكن هو ده الحل..
الطرق التقليدية في التفكير والحياة ملايين عايشين بيها وبيطبقوها كل يوم في حياتهم، يمكن التغييرهو المطلوب، يمكن الجنان هو الحل ..

الحب جزء من الحل، ولا هو أساس المشكلة ؟
يا ترى إحنا بنعقد الموضوع بحبنا لبعض ؟
أنا بحبك هي الخلاص ولا بداية الجحيم ؟
إحنا فعلا مخلوقات عجيبة، غريبه، غير كل المخلوقات..
لا إحنا شياطين ولا ملائكه ولا عارفين إحنا مين فيهم ..
إحنا مين ؟
أنا مين ؟
ايه الفرق بيني و بينك ؟
و مين اللى عمل الفرق ده ؟
تحت الجلد، كلنا واحد، عضم ولحم..
إنما لو دخلت العقل فـ الموضوع – المعادله هتختلف ..

حد فاهم حاجة ….

التعليقات

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *