هجوم عنيف من سما المصري على سخرية “شيرين” من نهر النيل

هاجمت الفنانة سما المصري، المطربة شيرين عبدالوهاب، بعد تداول فيديو لها أثناء حفلتها في لبنان والذي ردت فيه على إحدى معجبيها التى طالبتها بغناء ” مشربتش من نيلها” قائلة: هيجيلك بلهاريسيا”.

وقالت عبر حسابها على موقع التواصل الاجتماعى “فيسبوك”: “الله يرحم إن كنتي نسيتي.. الصورة تفكرك بأصلك الحقيقي.. بتغلطي وتقولي إن مية النيل بتجيب بلهارسيا؟ احترمي نفسك شويه واحترمي البلد اللي عملت منك بني آدمة.. سبحان العاطي الوهاب بعد الشبشب والقبقاب يابنت عبدالوهاب”.

وأضافت “يالهوي على الأحداث ياجدعان.. دا انتي ماكانش عندك حنفية في البيت أصلًا إنتي نسيتي نفسك ولا إيه؟ دا أنا لو شفتك هعرفك بجد بقى يعني إيه بلهارسيا.. اه يا بتاعة قلعة الكبش انتي.. اتلمي اتلمي ومصر دي ونيلها تاج فوق راسك انتي وعيلتك كلها أقسم بالله ماسكه نفسي عليكي يابتاعة اه ياليل انتي”.

وأثار مقطع الفيديو استياء وغضب رواد السوشيال ميديا، ودشنوا هاشتاج “بشرب من نيلها”.