«سيلفي» عمرو حسن «كلام مش مترتب» وحفل التوقيع 2 فبراير بمعرض الكتاب

«سيلفي» عمرو حسن «كلام مش مترتب» وحفل التوقيع 2 فبراير بمعرض الكتاب
عمرو حسن
عمرو حسن
عمرو حسن

«الديوان ده مش شعر ولا نثر ولا حاجة خالص ، انما كلام مش مترتب اتقال عند دكتور نفساني ورتبته هنا ، اتكتب كله في الليل ، غالبيته ف الشتا والخريف ، وبعضه ماعرفش انا اللي كتبته ولا الدكتور ، كلام عنها ، وعني ، وعنكم سلباً وايجاباً ، وعن أصحابي ، وعن متلازمة البكا المسائي اللي دايماً تبتدي بـ مالك ؟ وتنتهي بـ ” مافيش ” وعن حاجات تانية ،،،».

هكذا كتب الشاعر «عمرو حسن»، على صفحة ديوانه الجديد تحت عنوان «الصفحة الأولى». وتابع «قاللي ” مافيش حاجة مالهاش علاج ” ، ادّاني سيروكسات 12.5 واندرال 10 وقاللي ابعد عن العصبية وركز في شغلك وهتكون تمام ، يومها قبل ما اروّح قتلت اتنين صحابي في مواجهة بالكلام ، عاتبوني وفضحتهم فيهم ، ماتوا وماكانش قصدي ، ولحد دلوقتي لما باشوفهم باقرا الفاتحة واكمّل مشي ، قولتله لو استمريت على كده مش هيفضلي حاجة خالص ، قاللي اكسب نفسك واخسر كل حاجة ، بس .. وعنها يامعلم ، مسكت القلم والورقة وكتبت اللي حصل بالحرف ، بالأوض المقفولة واللمض النيون والسراير والفتارين ونمر العربيات ، عارف ! ” الاعتراف بالحق فضيحة ” في غالب الأمر ، يعني هيعاملوك على انك سكران بتهلفط وهيصنفوك فاشل اجتماعياً ومنبوذ عشان مسلمها لقلبك ومش بتعرف تقتل القتيل وتمشي ف جنازته».

وأوضح أن «الكتاب ده كمان فيه الشوية الحلوين اللي ف الحدوتة ، اللي فضلوا من الصحاب ، واللي فضلوا مع الصحاب بالعشرة والمعاملة
اكتشفت ان اهم التفاصيل في حياتي إلي جانب أمي وحبيبتي ” بعد حذف أبوها ” هي الأشياء البسيطة واللي عمري ما ادتها اهتمام ، مثلاً انا عمري ماقولت للمج الفخار “شكراً ” مع انه سايبلي دراعه طول الوقت وعمري مابصيت فيه الا ودُقت فرحة ، جربت مثلاً تقول للتلاجة ” بحبِك ” أو تقول لكلب الجيران ” ربنا يخليك ليا ومايحرمنيش منك ، أو تقول لفوار الحموضة ” جميلك ده على راسي ليوم الدين ” !!
مممم ، من الأول وانا بقول بلاش تقديمات لاهتودي ولا هتجيب ، اتفضل اقرا الكتاب ولما توصل لاخر صفحة استنى لحظة وقرر ، لو انت ماحسيتش في الكتاب ده بأي شيء مشترك أو ماحسيتش اني كتبته بالنيابة عنك وانك لو معاك القلم كنت عملت نفس العملة ، سيبه فوراً واهديه لصديق من نفس سلالتي ، او اسند بيه رِجل ترابيزة السفرة عشان متميلش بالأكل ، او اعمله كوفر للخابور ، او سيبه ف البلكونة مع الكراكيب لحد مايموت م الشمس ».

واختتم كلامه قائلاً «ملحوظة :
هذا العمل ، يحاكي الواقع وأي تشابه بين أبطاله وبعض الأشخاص مقصود وموجّه ، ولا أنصحكم بتداوله ، إلا بدافع الحكي والفضفضة ، وبس».

سيلفي
سيلفي

هذا ويقيم جناح «دار العلوم» بمعرض الكتاب حفل توقيع ديوان «سيلفي» للشاعر عمرو حسن وذلك يوم الأثنين 2 فبراير في تمام الثانية ظهرا.

كتاب سيلفي - عمرو حسن - دار العلوم للنشر والتوزيع
كتاب سيلفي – عمرو حسن – دار العلوم للنشر والتوزيع

يذكر أن أولى إصدارات «عمرو حسن» ديوان ناس كافية عن دار «دوّن» عام 2014.

التعليقات

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *