ستاند أب كوميدي : «محاكمة القرن».. «اللي ملوش خير فـ حاتم .. ملوش خير فـ مصر»
محمد حسني مبارك
محمد حسني مبارك
محمد حسني مبارك

بعد محاكمة القرن خرج ناس كتير معترضة على الحكم الأخير بالبراءة لكل المتهمين، بما فيهم أحكام قضية قتل المتظاهرين، أما البعض الاخر أخد الأحكام مجرد نكات تعالت ضحكاتهم عليها، لذلك قررنا نلخص الموقف على شكل ستاند أب كوميدي بسيط، ملحوظة.. كل الكلام دا مجرد مشاهد تخيلية لطيفة لا نقصد الإساءة لأحد من وراءها.

لحظة النطق بالحكم ::

القاضي : حبيب العادلي ومساعديه الـ6 «براءة»
العادلي : قول والمصحف معرفتكش أنا كدا
القاضي : عيب ياأخي لية كدا يااخي تكبت فرحتنا لية
العادلي : شغال عند أهاليكوا أنا بقا
القاضي : المتهم محمد حسني مبارك «براءة»
مبارك : أبي أقوووووووووى
القاضي : برااااااااااااااااءة ياابو علاء
مبارك : ما شاء الله ثورة تجنن

حوار مع قاضي محاكمة القرن :

لية أديت مبارك براءة ؟

أنا سألته هل قمت بالتحريض على قتل المتظاهرين .. رد عليا بصراحة وقالي أة .. أديته براءة علشان مكدبش عليا

أمال الشهداء ماتوا إزاي لما العادلي كمان أخد براءة ؟

ماتوا كدا ..
إزاي معلش ؟
طب كدا ..

أية أكتر موقف اتعرض لية منذ توليك القضية ؟

الحقيقة وأنا بقول الحكم جاي أقول براءة لقيت مبارك بقولي «أبي أقووى».. قولت بعزم ما فيا «براااااااااااااااااءة ياأبو علاء»

طيب وأية أكتر موقف من وجهة نظرك ساخر للغاية ؟

ياأخي الشعب المصري دا اللي كان بيقولك «حاسس أن مبارك هياخد براءة».. كان نفسي أكبر فـ ودانهم واحد واحد .. حاسس مش متأكد يعني ياأخويا منك له.

«عمرو أديب» ورد فعله قبل وبعد الحكم:

عمر أديب : لو مبارك أخد براءة هنزل التحرير ملط.. أنا عند كلمتي
بعد النطق بالحكم..
عمرو أديب : والله الواحد مش عارف يودي وشه فين من الشهداء
يلا معانا تلفون ..
المتصل : اقلع
عمرو أديب : نعم عايز أية
المتصل : أقلع .. أنت اللي جبته لنفس .. اقلع

الشعب المصري بعد النطق بالحكم وهو بيسمع مكالمة مبارك :

مبارك : أوعوا تكونوا فاكرين البلد سايبة
الشعب : :O ×.× ×.× دا بجد ولا حقيقة
مبارك : البلد دي فيها حكومة وحكومة من حديد
الشعب : كر كر كر كر كر حديد الصلب
مبارك : اللي مالوش خيــر فـ …..
الشعب : وحياة أبوك ما تكمل حاتم مات وخالد صالح مات وإحنا أصلا ملناش خير فـ مصر