«جرامافون» لقرع الطبول وتعليم اليوجا: هتخرج طاقتك السلبية بالفن


محاضرات وندوات ثقافية وفنية، ورش لتعليم الفنون، يوجا وإيقاع ورسم وعزف، مشروبات ومأكولات و”قاعدة حلوة”، مكان واحد يجمع كل هذه الأشياء، حلم خاطر أذهان مجموعة من الأصدقاء، ساعات وشهور فى مناقشات وأخرى فى التنفيذ، إلى أن أصبح “جرامافون”على أرض الواقع.

 

يقع “جرامافون” فى منطقة دجلة المعادي، يقدم عدد كبير من الخدمات أبرزها الفعاليات الفنية الثقافية التى وصفها أمير عزت، أحد مؤسسي المكان بـ”الهدف الأساسي لجرامافون” ويروي لـ”التحرير” عنه: “كان نفسنا نعمل مكان شبهنا نقدر فيه نعمل فعاليات فنية ونعلم الناس فيه حاجات مختلفة، انقسمنا لفريقين، الأول ركز على الجانب المادى العائد من المكان، والتانى ركز على الهدف”.

1

يهدف “جرامافون” إلى إخراج الطاقة السلبية بالفن، من خلال الفعاليات التى أبرزها “قارعو الطبول” يقول أمير عنها: “الإيفنت دا عبارة عن دائرة من محبى الطبلة، هييجوا المكان يطبلوا وينبسطوا ويخرجوا طاقتهم السلبية مع رانيا عمرو، وهى من الناس المتمكنة جدا مع الطبلة وبتحاول تعلم الناس وتساعدهم”.

18198357_460850940930233_278810530498293733_n4

الفعاليات التى يقدمها “جرامافون” تنظم من خلال خطة طويلة المدى وأخرى قصيرة، يقول أمير عنها: “بنقعد نفكر كتير فى إيه ممكن نقدمه جديد، وبنركز إننا نشوف الناس اللى شبهنا بتعمل إيه ومانعملوش عشان نفضل مختلفين، بعدها بنتواصل مع موهوبين يقدروا يعلموا الناس أو يقدموا ورشة، وعلى أساسه بنعمل إيفنت على صفحتنا بفيسبوك والناس بتتواصل معانا وبتحجز”.

18156960_460846870930640_3439610563392576843_n

يسعى “جرامافون” إلى تقديم كل ما هو مفيد وبسعر يناسب الجميع، يقول أمير: “مابنغليش الانبساط على الناس، لإننا شايفين الدنيا عاملة إزاى، وهدفنا إننا نبسطهم ونساعدهم فى إخراج الطاقة السلبية، حتى الناس اللى مننا فكرت فى العائد المادي تراجعت عنه، بعد ما لاقينا المكان بيكبر، وبقينا بنكمل من فلوسنا الخاصة عشان يستمر”.

ينوى “جرامافون” وضع خطة للعمل خارج المكان: “نفسنا نعمل الفعاليات دى برا المكان وبشكل مختلف عشان توصل لكل الناس”، من خلال إقامة حملات توعية بالفنون والثقافة.

5



-اقراء الخبر من المصدر
«جرامافون» لقرع الطبول وتعليم اليوجا: هتخرج طاقتك السلبية بالفن