بالفيديو..مذيعة “العاصمة” تنهار من البكاء على الهواء خوفًا على “السيسى”

بالفيديو..مذيعة “العاصمة” تنهار من البكاء على الهواء خوفًا على “السيسى”
مذيعة

انهارت المذيعة ريهام نعمان من البكاء، في برنامجها “واحد صحيح” المذاع على قناة “العاصمة” أثناء حديثها عن المؤامرة التي يتعرض لها الرئيس عبدالفتاح السيسي.

وقالت “نعمان” خلال حلقة السبت من برنامجها وعي الشعب المصري هو اللي حررنا من الجماعة الإرهابية، ولولا وعي الشعب لم تستطع أى دولة عربية معرفة طريقها؟، ولا دول الخليج كمان كانوا هيعرفوا، أوعوا تسمحوا لحد يلعب بعقولكم يا شعب”.

وتابعت “إحنا خلاص بقى عندنا رئيس وطني، وبيعبر عن تجربة وطنية، وصعبان عليا أشوف حلم كلنا كنا بنحلمه ويجيلنا رئيس وطني يحتوي ويرجع نفوذ وقوة مصر خارجيا، ونتآمر عليه”.

وأضافت “دلوقتي بنلاقي دول بتتآمر عليه، أنا ببكي على مصر مش على أشخاص، ومن يقول في وسائل الإعلام إن مفيش مؤامرة شخص ساذج أو عايز يغيبك، المؤامرة موجودة منذ أول التاريخ، والرئيس السيسي مش مجرد رئيس ولكنه تجربة وطنية يا نجحنا لننجو بمصر من المهالك أو فشلنا فربنا يستر على مصر”.

التعليقات