بالفيديو.. خطيبة الشهيد وليد عصام باكية: دمه في رقبة القيادات ووزير الداخلية

10433698_10153288268599316_7357660146527675863_n

اتهمت آية هشام، خطيبة الشهيد وليد عصام، قيادات الجيش ووزير الداخلية، بالمشاركة فى قتل الشهيد وزملائه .

وكشفت هشام للإعلامي وائل الإبراشي، في برنامجه العاشرة مساءً ، على قناة “دريم”، مساء السبت، ردًا على سؤال عن كلماتها العاطفية فى خطيبها الشهيد: «والله هو يستاهل أكثر من كده، أنا بعمل كل ده عشانه والله، أنا عارفة إنه شايفني، دلوقتي هو مبسوط بيا أنا عارفة والله».

و تابعت : «حبيب عمري والله خمس سنين عمره ما زعلني ولا ضايقني والله، عمره»، فيما وعن سؤالها حول الاستعدداد للزواج قالت: «محضرة كل حاجة، جايبة كل حاجة وعاملة كل حاجة، هو راح وسابلي كل حاجة، يا رب يصبرني يا رب».

وعن آخر مكالمة بينها وبينه الت: «كلمني يوم الوفاة الصبح، اتصل بي يطمن عليّ، واطمنت عليه ومكنش في أي حاجة خالص كان طبيعي جدًا والله».

وأضافت: «ربنا يحرق قلبهم زي ما حرقوا قلبي، أنا عايزة أقول حاجة، احنا في سيناء بنواجه جماعة إرهابية دولية، اللي بيحصل ده مش حاجة عادية».

واستطردت: «عايزة أقول حاجة بالله عليك توصلها لكل الناس، دم وليد وصحابه في رقبة القيادات ووزير الداخلية، سايبنهم يا حبايبي مرميين في الصحراء من غير تأمين والله… اللي بيحصل ده والله العظيم حرام، ماشفتش لواء بيستشهد، مفيش حد كبير بيستشهد، كل اللي بيموتوا يا ملازم يا ملازم أول يا نقيب، وليد كان عنده 26 سنة، حد يقولهم الدم ده في رقبة مين؟ احموهم بس الأول بعدين قولوا احنا بنواجه وبنواجه وبنواجه، بتواجهوا الإرهاب بقالكوا قد إيه؟».